- expérience de la solitude
Konnen m konnen yo la, m pran Konpè lakay la
M rele yo an wo a, kabrit kase kòd, zonbi pran lari
Bon mas marinen ak maskarad sou lali y ap fè grimas
Channmas tankou kwabosal yo di y ap pare nwèl
Zagobizakasa anvan jou leve y a fonn kou mantèg
Konnen m konnen yo la, n a rele pote lanp tèt gridap
degrese sere, lage n a fòse lafòsèt pa p pran pappadap
minit pa minit, segonn pa segonn radyo dyòl gaye nouvèl
Karayib ak kiskeya ranmase fasafas pou rale mennen vini
Kay katon, twèl ak dakoun site letènèl anba tonèl
peyizan prete dèy pou l file lang chat ak ke rat
Konpè Chal sifoke konm si l te espere fè pwèl
Nan mitan chanpwèl se wonsi ki bay kadans
Fyèl ak myèl pa bay te brake, kout pye ak chaplèt
Men sèvis senk zetwal pou souflanntyou ak reskiyè
Makònen dekòde lanbe bòl niche pye
Lanperè disparèt, kabarè divalyevil, sodo pa nan nò
Bòkò abòdyò, chanpwèl al rele lwa nan bitasyon machan
Divinò tonton Nò al pare parenaj nan Karenay
Sent Marimadelèn, gras mari gras sonde jezi pou yo
Mwad Mas fredi a frèt pou pètoprens, yon kout tafya souple
Wowoli simaye, pistach grye reveyon manje lèzany
pintad ak poul pent pou fè manje marasa ak dosou
layite nap ak mouchwa ogou ak èzili freda
Vannen pitimi laye pwa kongo ki moun k ap rele lekba
Kaderik bouyon ganmèl siwo men lespwa tèt mato yon pèp
Hermann Cebert, Poreyòl.
En savoir plus sur Le Vrai Discours Actuel de Hermann Cebert
Abonnez-vous pour recevoir les derniers articles par e-mail.
