Nou rele lwa l nou rele lwa n

Nou mande bitasyon l pasaj

Nou mande bitasyon n pasaj

Rele chalbari dèyè bouboul

Yon leson gratis pou bouboul

Tire kout kat, kout kat kay divinò

Son devan boul la nan non fanmi l

Nouyòk, Noujèze kabayòs son final

Nou deja konnen nou pa t vin dire

Se pase n ap pase, zèv n ap fè refè

Sèvis sekrè, sekrè sèvis li gaye la a

L ap kòmande mèsenè vin touye n

Si n mouri y a voye di n

Pou pa gen dout ak manti

Se sèl bouboul ki vle lanmò n

Li pwente dwèt jida l sou nou

Yo te di m g on lespri k abite w

Mwen te di se pa vre li pa nan sa

Manman poul te vle denonse w

Mwen te di se pa vre se pa konsa

Tire kat pou bouboul ki pèdi fèy

Yon kout kat pou tire kat tafya

Sekrè pa w di sekrè pa m bò isit

W ap chache m, ou anvi wè m

Tire kat pou bouboul ka wè kle

Lespri kriminèl ki sele l je klere

Li bliye chans yo ba l pou l fin vi l alez

Li lage kou chase k al deye malfini

Sekre pa w di Sekre pa m yo lage w

Bagay yo fini ti bway yo vle yon nouvèl òd

Ekip pa w la bay twòp pwoblem lotbò a

Sa k pi rèd la nou wè w k ap vire fou

Yon kout kat pou bouboul

Bouldimas ak maklouklou l

K ap gonfle midi, pete de zè

Li lage l pou l voye touye m

Sa m di, sa m te di, se sa yo te di m di

Boul bòlèt wonga, se malatyong

Machann radòt mache seradòt

Pa fè m fache lwa k ap pran mwen

Ou kase ze ou semante sou vi w

Pinga seren pou tafyate anba zong

Pwazon kache pawol vetye se inite

Se raliman pou gwo palto senyen n

Samdi dimanch ki jou w chwazi pou sa

Ou di bawon de pye devan dozado l ye

Pou ou lanfe pou mwen lesyel ak paradi

Sa k rete se li k soufri le mo pa soufri

Gen yon pawol ki sot ginen sa se pwomes

Ti bway di l moun nouyok l ap twoke djeze

Lod li pase rive isit alo m di tout tou kle la a

Kom w ap chache m lavi m nan men Legba

Se pou non Bondye m triyonfe

Se pou wayom li a jwenn lwanj

Pa gen okenn bondye pase l

Bondye m nan sel Bondye!

Se pou sa toujou ki sa!

Ayibobo pou Pisans ou

Ayibobo pou tout fos ou

Viv Bondye m ki se sel Chef

Hermann Cebert

29 Oktob 2022, 1e 07