Twa zan, twa lane,

twa rekòt kafe,

 

mateli ap mate

li mate, li manti

 

Lamòt ap simayé lanmò

l ap bwoté ranmase sere kace

 

Twa wòz, twa pantalèt kòd,

twa woz tiwòz tou wòz

 

espektak sendomeng vizite lepap

wachintonn leta gaye touris

 

Ti simòn kale tèt, tèt sou tèt,

ti simòn kale tèt tou wòz

 

olivye sofya lapli ak botan gagòt

foure men pran se byen papa

 

Twa zan pase, makout

bann charilis nan pàlè nasyonal

 

Divalye nikola pitit ak papa

vaykevay grenn pwomennen

 

Twa lane wòz ti simòn gaspiyay

maspinay finans piblik

 

jij asasinen, depite senatè

arete, sitwayen  gagannen

 

Tyoul konplo konplote

reskiyè restavèk ti sousou

 

Loni minista okipasyon

zam gaye piyay piyagè

 

blan je vèt milat milèt rakèt

raketè dyòl bokyè pè pijon

 

Hermann Cebert