Se Souvenir Des Kidnappeurs avant l’arrestation de Clifford Brandt


Kidnaping : lapolis mete biznismann Stanley Handal anba kòd

Publié le mardi 23 août 2005

Polis Nasyonal Dayiti nan tèt kole ak Polis Sivil Entènasyonal la (CIVPOL) mennen yon michan operasyon madi nan Pòtoprens pou arete Stanley Handal, yon gwo biznismann ayisyen kòm yonn nan chèf operasyon kidnaping nan peyi a.

Dapre enfòmasyon Radyo Kiskeya jwenn nan bon ti mamit, Handal ki gen fanmi l ki soti nan yon peyi arab, konn abitwe vann lapolis yon seri bagay enstitisyon an bezwen. Li fè anpil anpil kòb non sèlman nan planifye operasyon mete men sou moun, rale zam sou yo, fèmen yon kote anba gwo menas pou fòse yo bay lajan, men tou nan lave lajan dwòg pou fè l pase pou lajan pwòp ki lage nan ekonomi nasyonal la ak nan mennen yon seri lòt konminezon louch, aktivite manke melanj.

Non Stanley Handal site fò tou nan disparisyon Nathaël Aléus Génélus, yon anplwaye bank prive Unibank ki pati san kite tras depi dat 2 dawout, apre yon enspektè polis James Bourdeau te fin arete misye pou ale avè l nan yon soukomisarya Dèlmas 62. An reyalite, touletwa mesye sa yo, Handal, Génélus ak Bourdeau te fè pati yon koken rezo malfektè, dechèpiyè ki t ap simen laterè nan Pòtoprens,  selon ankèt lapolis mennen.

Apre yon bon ralanti, aktivite kidnaping yo soti pou yo tounen sou yon vitès siperyè pandan y ap laji kò yo nan yon seri zòn nan kapital la kote moun te yon ti kras viv jiskaprezan ak kè poze. Nan finisman semenn pase a sèlman, yo kidnape epi touye plizyè moun : kanadyen Dennis Tharrien, Rubens Pamphile, yon ayisyen ki t ap viv Ozetazini ak Guy Gabriel Joseph, yon gwo anplwaye DGI, yo touletwa mouri sasinen pandan yo t ap eseye chape poul yo anba kidnapè oubyen apre yo te fin pati ak yo.   spp/RK

http://www.radiokiskeya.com/spip.php?article1172



Catégories :Non classé

Tags:, , , , ,

Répondre

Choisissez une méthode de connexion pour poster votre commentaire:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google

Vous commentez à l'aide de votre compte Google. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s

%d blogueurs aiment cette page :